Ramazon Temirov ishtirokidagi to'liq matbuot anjumani

Hamyurtimiz 25 iyul kuni Abu-Dabi mezbonlik qiladigan UFC Fight Night 282 turnirining ikkinchi asosiy jangida avstraliyalik Stiv Erceg bilan to'qnash keladi.

"Co main event'da jang qilayotganim men uchun juda katta masuliyat yuklaydi. Ishonch bildirishgani uchun UFC'ga katta rahmat aytaman. Xudo xohlasa, bu ishonchni chiroyli tarzda oqlayman, degan umiddaman. Raqibim bilan birgalikda xalqim, muxlislarim va butun UFC muxlislariga chiroyli jang ko'rsatamiz. In SHa Alloh, g'alaba qozonaman, degan umiddaman.

Xudo xohlasa, bu jangda yutsak, uning o'rniga ko'tarilaman, deb o'ylayman. Undan keyin ham UFC kimni bersa, jang qilaveraman. Maqsad chempionlik.

Asu bilan jangimga kelsak, biz bir vazndamiz. Ikkimiz ham bir-birimiz bilan jang qilishni istamasdik. U bilan do'stmiz. Lekin UFC belgilasa, jang qilishga majburmiz. Undan kuchlirog'ini berishsa, muammosiz jang qilaman.

Yurtimizda UFC turnir o'tkazishini eshitib, juda xursand bo'ldik. Lekin tafsilotlaridan xabarimiz yo'q. Ammo qachondir O'zbekistonda turnir o'tkazilishini aytishdi. In SHa Alloh, shu jangni chiroyli o'tkazib olsam, keyingisida kim bo'lishinidan qatiy nazar, O'zbekistonda jang o'tkazishni xohlardim.

Stiv yaxshi jangchi. Mahorati bor. Men o'zimni raqiblarimdan ustun ko'rmayman, lekin jang vaqtida o'zimda bor barchasini ko'rsataman.

O'zimning vaznimda Joshua Van bilan jang qilish men uchun juda ham qiziqarli bo'lardi. CHunki u ham tik turgan holda jang qiladi. Orqaga qaytmaydi. Men ham shunday. Juda chiroyli jang bo'ladi.

Biz 3 raundlik jangga tayyorgarlik ko'rdik. Uch oylik yig'inimiz ham to'liq jang uchun moslashgan edi. Nokaut qilaman, vaqtli tugataman, degan narsa yo'q. Bunday vaziyatlar jangda o'zi paydo bo'ladi", deydi Temirov.