Rashid Isyanovning oila-azolariga chuqur hamdardlik bildiramiz

Isyanov Rashid Zinnurovich 1940 yil Rossiya Federaciyasida tug'ilgan. 1963 yil O'zbekiston Davlat jismoniy tarbiya institutini tamomlagan va umrining qolgan qismini mamlakatimizda gimnastika, jumladan trampolin sportining rivojlanishiga, uning taraqqiyotiga bag'ishlagan. Murabbiylik faoliyati davomida ko'plab istedodli sportchilarni tarbiyalagan.

Xususan, yozgi Olimpiya o'yinlarida O'zbekiston sharafini eng ko'p (5 marta) himoya qilgan va Pekin Olimpiadasi bronza medali sohibi Ekaterina Xilko ham aynan ushbu murabbiyning shogirdi hisoblanadi. Rashid Isyanov 1985 yilda “O'zbekistonda xizmat ko'rsatgan murabbiy” unvonini bilan taqdirlangan. U uzoq yillar davomida O'zbekiston davlat jismoniy tarbiya institutida, shuningdek, 1998 yildan 2018 yilgacha hozirgi gimnastika bo'yicha Respublika Oliy sport mahorati maktabi trampolin bo'yicha murabbiy sifatida faoliyat olib bordi.

Marhumning vafoti yuzasidan uning yaqinlari va oila-azolariga hamdardlik bildiramiz.