Rasman. Tay Tuivasa UFC'dagi keyingi jangini reytingdagi "yon qo'shnisi"ga qarshi o'tkazadigan bo'ldi + POSTER

Markaziy jangida yarim engil vazn toifasi chempioni Aleks Volkanovski (26-3-0) Iliya Topuriya (14-0-0) bilan jang qiladigan turnirning yana ikkita qiziqarli to'qnashuvi elon qilindi.

Unga ko'ra, og'ir vazn toifasi reytingida to'qqizinchi o'rinni egallab turgan avstraliyalik Tay Tuivasa (15-6-0) keyingi jangini o'ninchi pog'onadagi Polsha vakili Marchin Tiburaga (24-8-0) qarshi o'tkazadi. Jang asosiy kard doirasida 3 raund etib belgilangan.

Bundan tashqari, insayder Marsel Dorffning malum qilishicha, turnir doirasida ayollar o'rtasida o'ta engil vazn chempionligi uchun sobiq davogar Tatyana Suares (10-0-0) braziliyalik Amanda Lemos (13-3-1) bilan jang qiladi.

SHuningdek, turnir doirasida Merab Dvalishvili ikkita vazn toifasida sobiq chempion Genri Sexudo bilan jang qiladi.