Rio-2016. Olimpiadaning 9-kuni biz uchun omadli keldi

02:40. SHu bilan sportchilarimizning bugungi ishtiroklariga bag'ishlangan onlayn translyaciyamiz o'z yakuniga etdi. Ertaga bizni yanada qiziqarli bo'lgan kun kutib turibdi. 13 nafar sportchlarimiz ertaga Olimpiadada yurtimiz sharafini himoya qiladilar. To'liq ro'yxat ertaga ertalab, xar kungidek soat 06:00da chop etiladi.

02:35. Juda qiziqarli kechgan jangda Murodjon qozog'istonlik bokschisini mag'lub etdi va shu tariqa Olimpiadani g'alaba bilan boshladi.

02:19. Hamyurtimiz ringga chiqib kelmoqda!

02:10. Yana ozgina qoldi. Ahmadaliev, olg'a!

01:28. Toshkent vaqti bilan soat 02:15da KAKA laqabi bilan mashhur bokschimiz Murodjon Ahmadaliev qozog'istonlik raqibiga qarshi ringga ko'tariladi.

01:25. Bugungi kun sportchilarimiz uchun omadli kechmoqda, nima dedingiz? Ko'z tegmasin! Tuf, tuf... :))

01:10. ELMUROT TASMURODOV RAQIBINI 13:8 HISOBIDA MAG'LUB ETIB, BRONZA MEDALI SOHIBIGA AYLANDI! TABRIKLAYMIZ!

01:00.Elmurotning ishtiroki boshlanmoqda.

00:30. Birozdan so'ng Tasmurodov qirg'izistonlik sportchiga qarshi bahs yuritadi.

23:55. Soat 01:00da yunon-rum kurashchimiz Elmurat Tasmurodov bronza medali uchun xitoylik yoki qirg'izistonlik raqibiga qarshi gilamga chiqadi.

23:35. Oksana finalda ettinchi natijani qayd etdi va Olimpiadadagi ishtirokini yakunladi...

23:22. SHuningdek, boshqa bir sportchimiz Oksana CHusovitina sport gimnastikasi bahslarida finalda ishtirok etmoqda.

23:10. AYNI PAYTDA BOKS ZALIDA BOKSCHIMIZ SHARAFIGA O'ZBEKISTON MADHIYASI YANGRAMOQDA! BU TARIXIY VOQEALARDAN BIRI, AZIZLAR! 

22:55. URRRRAAAA! DO'STMATOV OLTIN MEDAL SOHIBI!

22:41. JANG BOSHLANDI!

22:38. DIQQAT QILING, RINGGA HAMYURTIMIZ HASANBOY DO'STMATOV CHIQIB KELMOQDA! FINAL! OLG'A, HASANBOY

22:25. Birozdan so'ng shuningdek Oksana CHusovitina ham finaldagi ishtirokini boshlaydi.

22:20. Hasanboy Do'stmatovning jangi biroz kechikmoqda. Hayajonli lahzalar azizlar! Hozir biz o'zbek boksi tarixida Olimpiadaning ikkinchi oltin medalini qo'lga kiritilishini guvohiga aylanishimiz mumkin! Nasib bo'lsa, shunday bo'ladi ham!

22:05. Fazliddin G'oibnazarov keyingi bosqichda amerikalik bokschiga qarshi jang qiladi.

21:50. Ana endi Hasanboy Do'stmatov ishtirokidagi FINAL JANGINI KUTAMIZ!

21:40. Yaxshiii! Hamyurtimiz Fazliddin G'oibnazarov raqibini 3:0 hisobida mag'lubiyatga uchratdi va chorak finalga yo'llanma oldi.

21:25. Fazliddinning hindistonlik raqibga qarshi jangi boshlandi.

21:12. Birozdan so'ng ringga Fazliddin G'oibnazarov chiqib keladi.

20:35. Bu orada 42 km 195 metr masofada o'tkazilgan marafon musobaqasida 157 nafar atlet orasida ikki hamyurtimiz – Marina Xmelevskaya va Sitora Hamidova ishtirokini yakunladi. Yosh sportchimiz Hamidova yakunda 54, Xmelevskaya esa 77-o'rinni egalladi. Bu Sitoraning shaxsiy rekordi bo'ldi. 

20:30. 21:15 da bokschimiz Fazliddin G'oibnazarov ringga chiqadi.

20:25.  Afsuski, Tasmuradov raqibiga 1:4 hisobida imkoniyatni boy berib qo'ydi va endi bronza medali uchun jang qiladi. Ushbu jang tunda 01:00da boshlanadi.

20:15. Elmurotning final uchun jangi boshlandi!

19:48. Yana birozdan so'ng yarim final bahsida kurashlar boshlanadi

19:46. Tasmurodov finalga chiqish uchun kubalik sportchiga qarshi gilamga chiqishi kerak bo'ladi!

19:44. Marafon. Sitora 35 km dan so'ng 54-o'rinda ketmoqda. U peshqadamdan 11 daqiqa ortda qolmoqda.

19:32. Ajoyib! Elmurot raqibini 9:0 hisobida muddatidan oldin mag'lub etdi va yarim finalga yo'l oldi!

19:27. Elmurotning jangi boshlanmoqda! Omad! Yarim final kerak!

19:14. Birozdan so'ng Elmurot Tasmurodov yarim finalga chiqish uchun shimoliy koreyalik raqibiga qarshi jang o'tkazadi.

19:10. Marafon. 25 km dan so'ng Sitora 78, Masha esa 118-o'rinlarda ketmoqdalar.

19:05. Afsuski, Turdiev raqibiga imkoniyatni boy berib qo'ydi...

18:55. Dilshod Turdiev jangni boshladi

18:40. Yaxshi! Kurashchimiz serbiyalik raqibini 7:2 hisobida mag'lub etdi va chorak finalga yo'llanma oldi. Uning navbatdagi raqibi shimoliy koreyalik sportchi bo'ladi!

18:31. Tasmurodov gilamga chiqdi.

18:30. Marafon. Dastlabki 15 km dan so'ng Sitora 93, Marina esa 128 o'rinda ketmoqdalar.

18:10. Yana birozdan so'ng -59 kg vaznli kurashchimiz Elmurat Tasmurodov serbiyalik Kristian Frisga qarshi gilamga chiqadi.

18:00. Bu orada yunon-rum kurashi bo'yicha bahslar boshlandi. Bugun ikki nafar sportchimiz ushbu musobaqada qatnashadilar.

17:50. Dastlabki 5 kmdan so'ng Hamidova 107, Xmelevskaya esa 141 o'rinlarda ketishmoqda!

17:30. Diqqat, sportchilarimizning ishtiroklari boshlandi! 157 nafar ishtirokchi ichida Marina Xmelevskaya va Sitora Hamidovalar yurtimiz sharafini himoya qiladilar. Qizlarimizga omad! Sportchilarimiz 42 kilometr 195 metr masofani birinchi, ikkinchi yoki uchinchi bo'lib bosib o'tishlari lozim :)

17:15. Yana birozdan so'ng marafonchi qizlarimiz startga chiqadilar.

16:20. Bugun quyidagi sportchilarimiz Olimpiadada ishtirok etadilar:

Marina Xmelevskaya - (Engil atletika, marafon) - 17:30

Sitora Hamidova - (Engil atletika, marafon) - 17:30

Elmurot Tasmurodov - (Yunon-rum kurashi, -59 kg, 1/8 finaldan finalgacha) - 18:00 dan keyin

Dilshodjon Turdiev - (Yunon-rum kurashi, -75 kg, 1/8 finaldan finalgacha) - 18:00 dan keyin

Fazliddin G'oibnazarov - (Boks, -64 kg, nimchorak final) - 21:15

Hasanboy Do'stmatov - (Boks, -49 kg, FINAL) - 22:15

Oksana CHusovitina - (Sport gimnastikasi, vault, FINAL) - 22:47

Murodjon Ahmadaliev - (Boks, -56 kg, nimchorak final) - 02:15

16:15. Assalomu alaykum. Bugun Olimpiadaning 9-kuni bo'lib o'tadi. Rioda O'zbekiston sharafini himoya qiladigan sportchilarning chiqishlarini ushbu sahifada kuzatib borishingiz mumkin bo'ladi.