Saken Bibosinov: "Hasanboy qachon zarba berishni biladi"

"Uni O'zbekistonda "Professor" deb chaqirishadi. Men bu haqda boshqa murabbiylar va bokschilardan so'radim. Hasanboyning mashg'ulotlarda qanday ishlashini surishtirdim. Bilasizmi, u kimga qarshi jang qilsa ham, raqibini kamida ikki soat o'rganadi. Ko'p vaqtini shu narsaga sarflaydi. Osiyo o'yinlarida unga taktikada yutqazdim. Buni tan olaman. Yaratgan bersa, endi uni mag'lub etishim kerak. Har doim Do'smatovning qo'llari kaltaligi va shu boisdan asosan "bokovoy" zarbalardan foydalanishi haqida gapirishadi. SHunchaki Olimpiada chempioni bo'linmaydi. Hasanboy qachon zarba berishni juda yaxshi biladi. Raqibim oddiy emas, lekin uni mag'lub etishim shart", — dedi  Bibosinov.