Seni eb qo'yaman, Humoyun - Humoyun To'xtamurodovdan revansh so'rashdi

Humoyun To'xtamurodov so'nggi jangini Octagon League'da eronlik Mexrshod Estrabadiga qarshi o'tkazib, raqibini bo'g'ish uslubida mag'lub etgan edi. Estrabadi To'xtamurodovdan revansh olish istagini bildirdi.

«Men Mozandaronlik Sayid Mexrshod Estarabadiman. Men yolg'iz boshladim va yo'limni davom ettiraman. Humoyun To'xtamurodov bilan yana jang qilmoqchiman. Revansh jangida oktagonda uning bo'ynini sindiraman! Jangimiz oldidan men Dubaydagi parvozimni o'tkazib yuborganimni hamma biladi, shu sababli boshqa shaharda bir kun qolib, vazn o'lchashga kechikib qolgandim. Humoyunga omad kulib boqdi, men o'shanda charchagan edim, jang qiladigan holatda emasdim. Ikkinchi jangda seni eb qo'yaman, Humoyun! Bizga revansh bering», - deb yozib qoldirdi Estrabadi ijtimoiy tarmoqda.