SHlemenko - Ilich revansh jangi 1-raund tugashiga 9 soniya qolganda to'xtatildi

Xabar berganimizdek, ushbu turnir doirasida og'ir vazn toifasidagi aralash yakkakurash ustamiz Hasanxon Baratov (9-3-0) rossiyalik Sergey Veselkin (14-3-0) bilan jang qilib, mag'lubiyatga uchragan edi. 

Oqshomning asosiy jangida esa o'rta vazn toifasida rossiyalik sobiq Bellator chempioni Aleksandr SHlemenko hamda serbiyalik Aleksandr Ilich o'zaro to'qnash kelishdi. Ular o'rtasida 16 oy avval o'tkazilgan ilk jangda Ilich kutilmaganda g'alaba qozongan edi. 

Revansh jangida esa Aleksandr SHlemenko o'sha mag'lubiyat uchun munosib tarzda revansh olishga muvaffaq bo'ldi. Birinchi raund yakunlanishiga 9 soniya qolgan bir paytda referi Vyacheslav Kiselev jangni to'xtatishga majbur bo'ldi. Parter holatida chuqur himoyada qolib ketgan Ilich shu tariqa mag'lubiyatga uchradi.