SHohjahon Ergashev: "Bu postni o'chirib tashlaymiz!"

SHu maqsadda u Abbosxon Yo'ldoshev va Bekzod Isadullaev bilan birga uchrashgan ham edi. 

SHohjahon Ergashev o'shanda "Sizlar revansh jangini ko'rishni xohlarmidingiz? Shohjahon Promotions promouterlik kompaniyasi shu jangni tashkil qilish harakatida. Nima deb o'ylaysiz, revansh jangida kim g'alaba qozonadi?", - deya surat ostida izoh ham qoldirgandi . 

Bekzod Isadullaev esa bunga javoban, jangni intizorlik bilan kutayotganini yozgandi. Ammo bu jang amalga oshmaydigan ko'rinadi. Ergashev Instagram storis sahifasiga o'sha suratni joylab, unda quyidagi izoh qoldirdi.

"Biz jangni tashkil qila olmadik. Bekzod tomondan javob bo'lmadi. Biz o'z tarafimizdan taklifizni berdik. Lekin ular bizning taklifni javobsiz qoldirishdi. Ikkala sportchiga ham omad tilaymiz. O'zlarining rejalari bor deb qo'ydik. Birgalikda suratga tushib, instagramga qo'ygan bu postimizni esa endi o'chirib tashlaymiz", - deya vaziyatga izoh bergan Ergashev. 

Eslatib o'tamiz. Abbosxon Yo'ldoshev hamda Bekzod Isadullaev o'rtasidagi ilk jang durang natija bilan yakunlangan edi.