Uilson Raj Perumal: "OKMK - "Qizilqum" uchrashuvidan shubham bor"

"O'zbekiston chempionati doirasidagi OKMK - "Qizilqum" uchrashuvini tomosha qildim va tekshirib ko'rdim. Xulosam shu: bahsni chetdan kimdir boshqarib turgan. Sabablari quyidagicha: Mehmon jamoa futbolchilarining maydonda o'zini g'alati tutishgani, bahsda qaysidir jamoa 2,5 to'p farqi bilan yutishiga katta pul tikilgani. Bahs davomida mehmon jamoa futbolchilarini diqqat bilan kuzatdim va ko'p joylarda to'p olib qo'yishga intilishmaganiga etibor qildim", - dedi Uilson Raj Perumal.

Malumot uchun, OKMK - "Qizilqum" uchrashuvida 4:0 hisobi qayd etildi. O'yinning 80-daqiqasigacha 2:0 hisobi qayd etilayotgandi. 81-daqiqada mehmonlar himoyachisi to'pni o'z jarima maydoni ichida qo'li bilan o'ynagani uchun chetlatildi va penaltidan uchinchi gol urildi. Qo'shib berilgan daqiqalarda esa hisob 4:0 bo'ldi.

Qo'shimcha qilish kerakki, 64-daqiqada (hisob 2:0 edi) "Qizilqum" ustozi Asror Aliqulov balki vaziyatni o'zgartirish maqsadida Islom Kenjaboevni almashtirmoqchi bo'ldi shekilli, ammo Islom maydonni tark etishni xohlamadi va bahs oxirigacha o'ynadi. Aynan shu bahsdan keyin Aliqulov o'z arizasiga ko'ra, "Qizilqum" bosh murabbiyligidan ketdi.

Perumalning yakuniy xulosasi: "My opinion is 100% fixed" (o'yin natijasiga tashqaridan 100% aralashuv bo'lgan).