Uimbldon. Arina Sobolenko raqibasiga 4 ta geym berdi

Sayyoramizning ikkinchi raketkasi Arina Sobolenko musobaqadagi ishtirokini g'alaba bilan boshladi. Belaruslik tennis malikasi ilk davrada WTA reytingida 82-pog'onadan joy olgan vengriyalik Panna Udvardini ortiqcha qiyinchiliksiz mag'lub etdi - 6/3, 6/1.

Tennischilarning o'zaro ilk uchrashuvi 63 daqiqa davom etgan. Sobolenko 8 ta eys, 4 ta breykni amalga oshirib, 2 ta qo'shxatoga yo'l qo'ydi. Uning ikkinchi bosqichdagi raqibasi italiyalik Kamila Jorji hamda franciyalik Varvara Grachyova o'rtasidagi uchrashuvdan so'ng malum bo'ladi.