"WT Diamond Games". Ikkala tarkibdagi taekvondochilarimiz hisobida ham medallar!

Malum qilganimizdek, bugungi bellashuvlar doirasida 295 kg vazn toifasida aralash juftlik bahslarida ikkita tarkibdan iborat jamoamiz ishtirok etdi. Quvonarlisi, yakunda har ikki to'rtligimiz sovrindorlar qatoridan joy oldi.

Ozodbek Mamadaliev, Yodgor Jo'raboev, Sevinch Hayitova, Ozoda Sobirjonovadan iborat O'zbekiston 1 tarkibi dastlab Singapurni, chorak finalda esa musobaqada birinchi raqam ostida saralangan mezbonlar — Koreya Respublikasini mag'lub etdi. SHiddatli kechgan yarim final bahsida esa omad Qozog'istonga kulib boqdi. SHunday bo'lsa-da, bronza medallari uchun o'tkazilgan jangda hamyurtlarimiz Marokash vakillariga hech qanday imkon qoldirmadi.

O'zbekiston 2 (Diyorbek To'xliboev, SHuhrat Salaev, SHabbona Abduvalieva, Svetlana Osipova) kvarteti esa ilk bosqichda Indoneziya, so'ngra Mo'g'uliston terma jamoasi azolariga chiqish eshiklarini ko'rsatdi. Final bellashuvida esa avvalroq birinchi to'rtligimizni enggan Qozog'iston termasi ortiqcha qiyinchiliksiz dog'da qoldirildi.

SHunday qilib, "WT Diamond Games" turnirining ikkinchi kungi dasturi doirasida 295 kg vazn toifasida aralash juftlik bahslarida qatnashib, 1 ta oltin va 1 ta bronza medallariga ega chiqdik. Hozircha hisobimizda 2 ta oltin, 1 ta bronza medali bor.

Ertaga turnirning so'nggi kunida individual janglar tashkil etiladi.