WTA Finals. Dunyoning birinchi raketkasi pley-offga chiqdi

Belaruslik tennis malikasi guruh bosqichining so'nggi uchinchi uchrashuvida sayyoramizning to'rtinchi  raketkasi, qozog'istonlik Elena Ribakinani uch set natijasiga ko'ra mag'lubiyatga uchratdi - 6/2, 3/6, 6/3. Arina tennischilarning o'zaro uchrashuvida etakchilik qilmoqda - 5:2. 

Ikki kun davom etgan bahsda (noqulay ob-havo sharoiti tufayli) Sobolenko 6, Ribakina 5 ta eys zarbasini amalga oshirgan. Qo'shxatolar Arinada teng barobariga ko'proq bo'ldi - 15 ga 7. Breyklarda ham tabiiyki, belaruslik tennischi etakchilik qildi - 5 ga 3. 

SHu tariqa, Sobolenko 2 g'alaba va 1 mag'lubiyat bilan "Bakalar" guruhida ikkinchi o'rinni egallab, pley-offga yo'l oldi. Bir g'alaba va ikki mag'lubiyat qayd etgan Ribakina esa kvartetni uchinchi o'rinda yakunlab, musobaqadagi ishtirokini to'xtatdi.