04 noy 11:26
Yangiliklar

Tennis

WTA Finals. Iga Svyontek yuz foizlik natija bilan 1/2 finalga chiqdi

Meksikaning Kankun shahrida o'tkazilayotgan tennis bo'yicha ayollar o'rtasidagi Yakuniy WTA turniri o'zining hal qiluvchi pallasiga kirdi.

Dunyoning ikkinchi raketkasi Iga Svyontek guruh bosqichining uchchala uchrashuvida ham g'alaba qozonib, kvartet g'olibi sifatida pley-offga yo'l oldi. Polshalik tennischi guruhning so'nggi o'yinida WTA reytingida 7-pog'onada borayotgan tunislik Ons Jaberga hech qanday imkoniyat qoldirmay g'alaba qozondi - 6/1, 6/2.

Tennischilarning o'zaro uchrashuvlaridagi hisob Iga foydasiga yiriklashdi - 5:2. Oltmish to'qqiz daqiqa davom etgan bahsda ikkala tennis malikasi ham bittadan eys zarbasini amalga oshirdi. Qo'shxatolarga Onsda ko'proq bo'ldi - 5 ga 1. Breyklar esa xuddi shu ko'rinishda Svyontek foydasiga hal bo'ldi.