WTA Finals. Juma va shanbaning uch uchrashuvi bugun davom ettiriladi

Kecha yomg'ir yoqqanligi sababli dasturdan o'rin olgan uchta uchrashuv yakuniga etmay qolgandi. Bugun ushbu matchlar to'xtatilgan joyidan davom ettiriladi. Jumladan, yakkalik musobaqasining ikkinchi yarim final uchrashuvi ham bugun yakuniga etkaziladi. Unda dunyoning birinchi va ikkinchi raketkalari - belaruslik Arina Sobolenko hamda polshalik Iga Svyontek o'zaro munosabatlariga oydinlik kiritishadi. Kechagi bahs birinchi setda 1/2 hisobida Iga foydasiga hal bo'layotgandi. Bugun Arina to'rtinchi geymning 30:30 hisobi ko'rinishida uchrashuvni boshlab beradi. 

SHuningdek, juma kunidan qoldirilgan juftliklar o'rtasidagi uchrashuv ham bugun davom ettiriladi. Laura Zigemund va Vera Zvonaryova hamkorligi amerikaliklar Kori Goff hamda Jessika Pegula tandemiga hozircha yutqazishyapti (3/6, 1/1, 40:30). Gabriela Dabrovski/Erin Rutlif va Nikol Melikar/Ellen Peres 1/2 final uchrashuvi ham bugun o'tkaziladi.