WTA Finals. Pegula yuz foizlik natija bilan 1/2 finalga chiqdi

Dunyoning beshinchi raketkasi Jessika Pegula guruh bosqichining uchchala uchrashuvida ham g'alaba qozondi. Amerikalik tennis malikasi kvartetning so'nggi o'yinida WTA reytingida 9-pog'onada borayotgan greciyalik Mariya Sakkaridan ortiqcha qiyinchiliksiz ustun keldi - 6/3, 6/2. Mariya uchchala uchrashuvda ham mag'lubiyat alamini totib ko'rdi.

Pegula bugungi g'alabasi evaziga tennischilarning o'zaro uchrashuvlaridagi hisob muvozanatini tiklashga ham muvaffaq bo'ldi - 5:5. Sakson daqiqa davom etgan bahsda ikkala tennischi ham eys zarbasini amalga oshira olmadi. Sakkariga 8 ta qo'shxato ham qimmatga tushdi. Pegula esa aksincha, bironta ham xatoga yo'l qo'ymadi. Breyklar 7 ga 3 ko'rinishida Jessika foydasiga bo'ldi.