03 iyu 10:47
Yangiliklar

Boks/MMA

Xabib Makgregorga saboq bermoqchi, lekin avval Sent-Per bilan jang o'tkazadi

Aralash qoidalar bo'yicha engil vaznda UFC chempioni Xabib Nurmagomedov ikki vazn toifasida sobiq jahon chempioni Konor Makgregorga avtobusga hujum qilgani uchun oktagonda saboq berib qo'ymoqchi.

Lekin rossiyalik sportchi unda avval ikki vaznda yana bir sobiq jahon chempioni Jorj Sent-Per bilan jang o'tkazishni maqsad qilgan. Bu malumotni Xabibning menejeri Ali Abdulaziz ham tasdiqladi.

“Biz keyingi jangni engil vazn toifasida aynan Sent-Perga qarshi o'tkazish kerak deb o'ylaymiz. Xabib tarix yaratish uchun jang qilmoqchi. Ikki yildan beri jang o'tkazmayotgan Konor esa bunga loyiq emas.

U avval chempionlik kamari uchun bosib o'tilishi kerak bo'lgan yo'ldan o'tsin. Keyin biz unga chempionlik jangini beramiz. Nurmagomedov Makgregorga o'xshab pul uchun jang qilmaydi. SHunchaki, u avtobusga hujum qilgani uchun Konorga saboq berib qo'ymoqchi bo'lyapti”, - dedi Abdulaziz.