Xamzat CHimaev Striklendga: "Kechirim so'ra!"

"Bu qo'rqoq yana vaqillashni boshladi. Meni yana ko'rganingda – kechirim so'ra! Bu qo'lingdan yaxshi keladi. Va eng muhimi – keyingi safar qiz boladek yig'lama. Bu qiz juda ko'p yig'ladi. Unga rahmim keldi, shuning uchun kamarimni berdim – xuddi yigit kishi o'z qiziga kiyimlarini yuvishga ruxsat bergandek", – deb yozdi "Borz" ijtimoiy tarmoqdagi sahifasida.

Joriy yilning may oyida Xamzat CHimaev o'rta vazn toifasidagi chempionlik kamarini birinchi marta himoya qilgan va unda SHon Striklendga hakamlarning ayri qarori bilan mag'lub bo'lib, titulni boy bergan edi.

Amerikalik chempion jangdan so'ng elkasidagi jarohatni davolashi kerakligi sababli oktagonga shu yilning dekabr oyidan oldin qaytmasligini malum qildi. BAA sharafini himoya qilayotgan Xamzat esa iyun oyida professional kurash ligasi RAF`da muvaffaqiyatli debyut qilib, birinchi davrada Dillon Denisni muddatidan avval tushe usulida mag'lub etdi. 5 sentyabr kuni CHimaev Moskvada bo'lib o'tadigan RAF turnirining markaziy bellashuvida ishtirok etadi, unga UFC`ning yarim o'rta vazn toifasidagi sobiq chempioni Tayron Vudli raqiblik qiladi.