20 noy 08:05
Yangiliklar

Tennis

Yakuniy ATP turnirining juftlik bahslarida ham chempion o'zgarmadi

Amerikalik Rajiv Ram hamda britaniyalik Jo Selisberi Turinda yakuniga etgan Yakuniy ATP turnirining juftlik musobaqasi g'olibiga aylandi.

Bu tandem hal qiluvchi final uchrashuvida ispaniyalik Marsel Granolers hamda argentinalik Orasio Sebalos hamkorligini 6/3, 6/4 hisoblarida mag'lubiyatga uchratdi. Uchrashuv 69 daqiqa davom etgan.

Turindagi triumf 39 yoshli Ram va 31 yashar Selisberiga 1500 reyting ochkosi hamda 943,650 dollar mukofot puli keltirdi. Ram va Solsberi chempionlik unvonini himoya qilish barobarida turnirni mag'lubiyatsiz yakunlashdi. Bu juftlik mavsum davomida Lion va Venadagi ATP turnirlari hamda US Open musobaqasida ham bosh sovrinni qo'lga kiritishdi. Ularning hamkorlikda yutgan sovrinlari 13 taga etdi.