21 сен 15:38
Янгиликлар
1 ноябрь кунги UFC турнирининг асосий жанги эълон қилинди
UFC Apex аренада ўтажак ушбу оқшомнинг марказий жанги ҳақида маълумот берилди. Ярим енгил вазн тоифасидаги америкалик аралаш яккакураш усталари Стив Гарсия ва Дэвид Онама ўзаро жангда тўқнаш келишади.
Аввалроқ, Вегасдаги турнирнинг асосий жанги Вальдо Кортес-Акоста ва Анте Делия ўртасида ўтказилиши айтилганди. Оғир вазнлиларнинг бу баҳси энди турнирнинг co-main event жанги мақомида бўлади.
Маълумот учун, Стив Гарсия шу йилнинг июль ойида тажрибали Келвин Каттарни ҳакамларнинг қарорига кўра мағлубиятга учратганди. Бу унинг қаторасига қўлга киритган олтинчи ғалабаси эди. Дэвид Онама эса тўртта ғалабали серия билан келмоқда. Сўнгги жангида Гига Чикадзени очколар ҳисобига кўра таслим этганди.
Ҳозирда Стив Гарсия ярим енгил вазн тоифаси UFC рейтингида 12, Дэвид Онама эса 13-ўринни эгаллаб турибди.
Фикрлар