Freestyle Chess Challenge. Абдусатторовнинг 3-ўрин учун баҳсдаги рақиби маълум

Дунёнинг кучли саккиз нафар гроссмейстери дона сураётган Фишер шахмати бўйича мусобақада ҳамюртимиз Нодирбек Абдусатторов (2744) ҳам иштирок этяпти. Кеча 1/2 финал босқичнинг иккинчи учрашувлари ўтказилди. 

Саралаш босқичини ғолиб сифатида якунлаган Абдусатторов финал чиптаси учун рапид ва блиц шахматда амалдаги жаҳон чемпиони Магнус Карлсен (Норвегия, 2830)га қарши оқ доналарда ҳаракат қилди ва дурангга эришди. Илк партиядаги ғалаба тажрибали Карлсенни финалга олиб чиқди. 

Иккинчи 1/2 финал жуфтлигида Абдусатторовнинг 3-ўрин учун баҳсдаги рақиби аниқланди. Ушбу ярим финал ўйини муросасиз кечди. Асли арманистонлик, ҳозирда АҚШ шарафини ҳимоя қилаётган Левон Аронян (АҚШ, 2725) ҳамда яна бир океан орти шахматчиси Фабиано Каруана (АҚШ, 2804) асосий партияларда биттадан ғалабага эришишди. Тай-брекда ҳам ғолиб аниқланмагач, навбат армагедон партияга берилди. Унда Каруана ғалаба қозониб, финалга йўл олди. Аронян эса энди Нодирбек қарши 3-ўрин учун баҳс олиб боради. 

1/2 финал натижалари

Магнус Карлсен (Норвегия, 2830) - Нодирбек Абдусатторов 1.5-0.5 (1-0, 1/2)

Левон Аронян (АҚШ, 2725) - Фабиано Каруана (АҚШ, 2804) 3-4 (1-0, 0-1, 1-0, 0-1, 0-1, 1-0, 0-1)

5-8 ўринлар учун 

Дин Лижэнь (Хитой, 2762) - Алиреза Фирузджа (Франция, 2760) 0.5-1.5 (0-1, 1/2)

Доммараджу Гукеш (Ҳиндистон, 2743) - Винсент Каймер (Германия, 2738) 2.5-1.5 (0-1, 1-0, 1-0, 1/2)

Финал: Карлсен - Каруана

3-ўрин учун: Абдусатторов - Аронян

5-6 ўрин учун: Фирузджа - Гукеш

7-8 ўрин учун: Дин Лижэнь - Каймер