Мария Шарапова 2018 йилги мавсумни ғалаба билан бошлади

Шарапова Хитойнинг Шэньчжэнь шаҳри мезбонлик қилаётган WTA International турнирида иштирок этяпти. 30 ёшли теннисчи илк даврада руминиялик Михаэла Бузэрнескуга қарши кортга чиқди. Маша WTA рейтинигда 60, Бузернеску эса 59-ўринни эгаллаб турибди.

Бир соату 22 дақиқа давом этган баҳсда Мария рақибасини 6:3, 6:0 ҳисобида мағлуб этди. Шарапованинг иккинчи даврадаги рақибаси америкалик Элисон Риске бўлади. Риске хитойлик Ван Цяндан 7:5, 6:0 ҳисобида устун келди.