21 май 17:52
Янгиликлар

Шахмат

13 ёшли Фаустино Оро: "Мен Синдаров ғалаба қозонишига ишонаман!"

Яқиндагина дунёнинг энг ёш гроссмейстери бўлган Фаустино Оро Жавоҳир Синдаров ва Гукеш Доммараджу ўртасида жаҳон чемпионлиги учун бўлиб ўтадиган матч ҳақида фикр билдирди.

"Айни дамда менга Синдаров яхшироқ ўйнаётгандек туюлмоқда. Гукеш, албатта, жуда кучли ўйинчи, лекин 2025-2026 йилларда жаҳон чемпионлигини қўлга киритгандан сўнг унинг ўйини бироз пасайди. У рейтингда кўп очко йўқотди ва ҳозир барқарор ўйин кўрсатмаяпти.

Масалан, Grand Swiss турнирида у кетма-кет учта партияда мағлуб бўлди. Лекин биз унинг қанчалик кучли ўйин кўрсата олишини яхши биламиз. Синдаров эса "Номзодлар" турнирини 10 очко билан ютди ва ҳозир жуда-жуда яхши ўйин кўрсатмоқда".

Шу билан бирга, Оро Динг Лиреннинг сўнгги чемпионлик матчидаги ҳолатини ҳам эслатиб ўтди:

"Динга келсак... биз ундан ҳеч нарса кутмаган эдик, чунки у ҳам яхши формада эмасди. Лекин Гукешга қарши биринчи партияни ютиб, деярли бутун матчни ўз фойдасига ҳал қила ёзган эди. Шунинг учун аввалдан аниқ айтиб бўлмайди. Аммо ҳозирча мен Синдаров ғалаба қозонишига ишонаман".