Esports World Cup. Синдаров ва Абдусатторовда мағлубият, лекин Нодирбекда имконият бор

Турнир киберспорт бўйича 2026 йилги Жаҳон кубоги (Esports World Cup) учун саралаш вазифасини бажармоқда. Мусобақада дунёнинг кучли шахматчилари кейинги босқичларга йўлланма ва йирик мукофот жамғармаси учун кураш олиб борияшпти.

Турнир формати: Баҳслар 10+0 рапид форматида ўтказилмоқда. Иштирокчилар 16 кишилик double elimination (икки имкониятли) тизимда ўйнайди — яъни, иккита мағлубиятга учраган иштирокчи чемпионлик учун курашни тарк этади. Шунингдек, энг яхши уч нафар шахматчи Esports World Cup 2026 мусобақасига йўлланма олади. 

Кеча 1/8 финалда Нодирбек Абдусатторов АҚШ вакили Самуэль Севианни 3:0 ҳисобида мағлубиятга учратди. Жавоҳир Синдаров эса FIDE байроғи остида ўйнаётган россиялик Даниил Дубовга худди шу ҳисобда имкониятни бой бериб қўйди. 

Абдусатторов 1/4 финалда FIDE байроғи остида ҳаракат қилаётган рус шахматчиси Денис Лазовикка 2:3 ҳисобида ютқазиб қўйди. Ярим финал йўлланмаси қўшимча армагедон партиясида аниқланди, афсуски унда омад Лазовикка кулиб боқди. 

Мағлублар йўлидаги турнирда ўз омадини синаб кўрган Синдаров франциялик Максим Вашье-Лагравга 1:2 ҳисобида ютқазиб, мусобақадаги иштирокини якунлади. Икки мағлубиятга қарамай, Жавоҳир ушбу турнирдаги иштирокидан 5000 доллар ишлаб олди. 

Бугун Нодирбек Абдусатторов мағлублар йўлаги иккинчи босқичида россиялик Ян Непомняшийга қарши баҳс олиб боради. Агар кеча Нодирбек ғалаба қозонганида бугун 1/2 финалда норвегиялик афсона Магнус Карлсенга қарши дона сурар эди.   

1/2 финал жуфтликлари: 

Магнус Карлсен (Норвегия) — Денис Лазовик (FIDE)

Ян-Криштофф Дуда (Польша) — Ниҳал Сарин (Ҳиндистон)