Дмитрий Биволнинг навбатдаги жанги тафсилотлари очиқланди

WBО вақтинчалик чемпиони, ярим оғир вазн тоифасида тўлақонли чемпионлик камари учун мажбурий даъвогар британиялик Каллум Смит бирлашган жаҳон чемпиони Дмитрий Биволга қарши жанг учун расмий ҳужжатларга имзо чекди.

"RCC Boxing" бош директори Герман Титов вазиятга шундай изоҳ берди: "Бугун биз Каллум Смит жамоаси билан узоқ давом этган музокараларни якунладик. Дмитрий Биволга қарши жангни ташкил этиш учун барча зарурий ҳужжатлар имзоланди. Чемпионлик жангининг ташкилотчиси "RCC Boxing" промоутерлик компанияси ҳисобланади ва биз бу жангни декабрь ойида Екатеринбург шаҳрида ўтказамиз. Режалаштирилган сана — 12 декабрь! Энди WBO, WBA, IBF ва "The Ring" ташкилотларидан тасдиқ кутиш қолди, шундан сўнг чемпионлик жанги расман эълон қилинади".

Эслатиб ўтамиз, Дмитрий Бивол "RCC Boxing Promotions" компанияси томонидан ташкил этилган шоуларда икки марта рингга чиққан. 2021 йилда у Умар Саламовга қарши жангда WBА камарини ҳимоя қилган бўлса, 2026 йилда илк бор "UGMK-Arena"да жанг қилиб, Михаэль Айфертни мағлуб этган ва WBA, IBF, IBO ҳамда "The Ring" чемпионлик унвонларини сақлаб қолган эди.