"Боладан конфет олиб қўйишдек осон". Хирн Уайт билан можаро ҳақида гапирди

— Жанг ҳафтасидаги матбуот анжуманларида нима бўлади деб ўйлайсиз? У ҳар доимгидек саҳнанинг марказида бўладими?

— У фақат биз рухсат берсаккина у ерда бўлади. Менинг бундан муаммом йўқ. Аксинча, жанг қанчалик катта шов-шувга айланса, шунчалик яхши. Ҳозир ҳамма шу ҳақда гапиряпти. Қайси мамлакатда бўлишимдан қатъи назар, одамлар: "Эдди Данани ер билан яксон қилди", дейишяпти. Бу жанг учун фойдали.

Ростини айтсам, уни матбуот анжуманига чиқаришдан мамнун бўлардим. Лекин бизга ҳақиқий баҳслашиш имкониятини беришлари керак. Агар кимдир мендан битта савол сўраб қўя қолса, бу қизиқ бўлмайди. Мен билан у бир саҳнада бўлса, томошабинлар ҳақиқий шоу кўришади.

— Уни кўришингиз билан биринчи нима дер эдингиз?

— Мен бундай нарсаларни олдиндан режалаштирмайман. Ўша пайтда хаёлимга нима келса, шуни айтаман. Бокс саноати ҳақида унга бериладиган саволлар жуда кўп. Ростини айтсам, бу худди боланинг қўлидан конфетини олиб қўйишдек осон бўларди.

— Яна болалар ҳақида гапиряпсиз. Аввал "болаларни уриш" дегандингиз, энди эса "конфетини олиш"?

— Йўқ, мен болаларни урмайман. Фақат биттасининг конфетини олиб қўяман, холос. Менимча, бу анча юмшоқроқ ўхшатиш, — деди Хирн Ariel Helwani YouTube каналига берган интервьюсида.