07 окт 17:30
Янгиликлар
Бокс/ММА
Чисора фаолиятини якунламайди, у декабрь ойида рингга қайтади
Британиялик боксчи Дерек Чисора фаолиятини якунламаслигини ва декабрь ойида яна рингга чиқишини маълум қилди.
42 ёшли Чисора апрель ойида Деонтей Уайлдерга қарши жангда мағлуб бўлганди. Ушбу баҳс унинг профессионал фаолиятидаги 50-жанги ва сўнгги жанги сифатида тақдим этилган эди.
Бироқ Чисора кейинчалик фаолиятини якунлаганини тасдиқламади. Сешанба куни ўтказилган матбуот анжуманида у декабрь ойида Мурат Гассиевга қарши жанг қилишини айтди.
«Декабрда мен Гассиевга қарши жанг қиламан. Жанг Лондон ёки Манчестерда ўтказилади. Менимча, икки камар — IBA камари ва Гассиев эгалик қилаётган камар ўртага қўйилади», — дейди Чисора.
Унинг сўзларига кўра, жангнинг аниқ манзили ҳали белгиланмаган.
Ҳавола :
Манба : bbc.com
Фикрлар