06 апр 08:47
Янгиликлар

Бокс/ММА

Деонтей Уайлдернинг иштаҳаси очилди

Америкалик 40 ёшли собиқ жаҳон чемпиони Деонтей Уайлдер икки кун аввал британиялик Дерек Чисорани ҳакамларнинг айри қарори билан мағлубиятга учратиб, ўзининг ғалабали сериясини иккитага етказган эди.

Энди у британиялик собиқ жаҳон чемпиони Энтони Жошуа билан жанг қилиш истагини билдирди.

"Кичкинтой Энтони, оғзингни юмиш ёки ўрнингдан туриш вақти келди. Мен қайтиб келдим. Бу хавфли Уайлдер. Кел, бу жангни амалга оширамиз!", - деди Уайлдер.

Маълумот учун, Энтони Жошуа ўзининг сўнгги жангида машҳур блогер Жейк Полни олтинчи раундда нокаутга учратганди. Аввалроқ, унинг Тайсон Фьюри билан узоқ кутилган жанги тайёрланаётгани ҳақида хабар берилганди.

Ўтган йилнинг декабрь ойи охирида Жошуа Нигерияда автоҳалокатга учраганди. Ўшанда унинг икки мураббийлари ҳаётдан кўз юмган, ўзи бахтли тасодиф сабаб омон қолганди.