Пэдди Пимблетт кейинги жангини 2027 йил баҳорида ўтказиши мумкин

Британиялик жангчи ҳозирча кейинги рақиби ва жанг санаси бўйича аниқлик йўқлигини маълум қилди.

"Ҳозирча нима бўлаётганини билмайман. Кутиб, кўришимиз керак. Балки дивизионимдаги барча жангчилар банд бўлиб қолар", — деди Пимблетт All Out Fighting каналига берган интервьюсида.

Унинг таъкидлашича, Чарльз Оливейра Диего Лопес билан жанг қилади, Арман Царукян Жастин Гейжига қарши жанг ўтказишни режалаштирмоқда, Макс Холлоуэй эса Конор Макгрегор билан трилогияни якунлаш имкониятини кутмоқда.

"Шундай қилиб, фақат Илия Топурия қолаётгандек. Келгуси бир неча ойда вазият қандай ривожланишини кўрамиз. Лекин мен бошқа ҳеч қачон январда жанг қилмайман. Агар йил охиригача жанг ўтказмасак, кейинги жанг март ёки апрелда бўлади", — дейди Пимблетт.

Пэдди Пимблетт сўнгги жангини июль ойида UFC 329 турнирида Бенуа Сен-Денига қарши ўтказиб, биринчи раундда бўғиш усули билан ғалаба қозонганди.