26 мар 14:22
Янгиликлар

Бокс/ММА

18 май кунги UFC турнирининг марказий жанги тасдиқланди

Хабарингиз бор, 18 май куни АҚШнинг Невада штати Лас-Вегас шаҳрида навбатдаги UFC турнири бўлиб ўтади.

Ташкилотчилар ушбу оқшомнинг марказий жангини эълон қилишди. Ярим енгил вазн тоифасида жангда бразилиялик Эдсон Барбоза британиялик Лерон Мерфига қарши октагонга чиқади. Бу UFC Fight Night турнирининг асосий жанги бўлади.

Маълумот учун, 38 ёшли Эдсон Барбоза кетма-кет иккита жангда ғалаба қозонди. У Билли Куарантиллони нокаутга учратган бўлса, Содик Юсуффни ҳакамларнинг якдил қарори билан таслим этди. Унгача бразилиялик Гига Чикадзега техник нокаут, Брайс Митчеллга эса очколар ҳисобига кўра ютқазиб қўйганди.

32 ёшли Лерон Мерфи эса 5 та ғалабали серия билан келмоқда. Сўнгги жангида Жошуа Кулибаони очколар ҳисобига кўра енгди. Айни пайтда Эдсон Барбоза UFC ярим енгил вазнлилар рейтингида 11, Лерон Мерфи эса 14-ўринни эгаллаб турибди.