07 июл 12:26
Янгиликлар

Спорт курашлари

18 ёшида Олимпиадада иштирок этган Аббос Раҳмоновни табриклаймиз!

Бугун эркин кураш бўйича Ўзбекистон терма жамоаси аъзоси Аббос Раҳмонов ўз таваллуд кунини нишонламоқда.

Аббос Раҳмонов 1998 йил 7 июль куни Навоий вилоятининг Хатирчи туманида таваллуд топган. Мураббийи - Ўзбекистон Республикасида хизмат кўрсатган спорт устози Латиф Халимов. Республика олимпия захиралари коллежида эркин кураш сир-асрорларини ўрганган. Ўзбекистон давлат жисмоний тарбия ва спорт университети талабаси.

Аббос Раҳмонов Бразилияда ўтган Рио-2016 Олимпиадасида иштирок этган. Бу билан у 18 ёшида Олимпия ўйинларида қатнашган ўзбекистонлик энг ёш эркин курашчига айланган. Раҳмонов Осиё чемпиони, қатор халқаро мусобақалар ғолиб ва совриндори ҳисобланади. 2019 йил Қозоғистоннинг Нур-Султан шаҳрида ўтган жаҳон чемпионатида кучли бешликка кирган.

Фурсатдан фойдаланиб, Аббос Раҳмоновни бугунги таваллуд айёми билан муборакбод этамиз.