18 ёшида Олимпиадада қатнашган Раҳмоновни табриклаймиз!

Аббос Раҳмонов 1998 йил 7 июль куни Навоий вилоятининг Хатирчи туманида таваллуд топган. Мураббийи - Ўзбекистон Республикасида хизмат кўрсатган мураббий Латиф Халимов. Республика олимпия заҳиралари ихтисослаштирилган мактаб-интернатида эркин кураш сир-асрорларини ўрганган. Ҳозирда Ўзбекистон Жисмоний тарбия ва спорт университети талабаси. 

Аббос Раҳмонов Рио-де-Жанейрода ўтган Рио-2016 Олимпиадасида иштирок этган. Бу билан у 18 ёшида Олимпия ўйинларида қатнашган ўзбекистонлик энг ёш эркин курашчига айланган. Раҳмонов Осиё чемпиони, қатор халқаро мусобақалар ғолиб ва совриндори ҳисобланади. Ўтган йили Нур-Султонда ўтган жаҳон чемпионатида кучли бешликка кирган. 

Фурсатдан фойдаланиб, Аббос Раҳмоновни бугунги таваллуд айёми билан муборакбод этамиз.