09 янв 07:44
Янгиликлар

Теннис

18 ёшли Кори Гофф Оклендни забт этди

Янги Зеландиянинг Окленд шаҳрида ўтказилган WTA турнири шу йил март ойида 19 ёшга тўладиган Кори Гоффнинг триумфи билан якунланди.

Дунёнинг еттинчи ракеткаси бўлиб турган Кори финал учрашувида WTA рейтингида 130-поғонада бораётган испаниялик Ребека Машаровага ҳеч қандай имконият қолдирмади - 6/1, 6/1. Бу теннисчиларнинг ўзаро ўтказган илк учрашуви эди.

Етмиш тўққиз дақиқа давом этган баҳсда Гофф 5, Машарова 3 та эйс зарбасини амалга оширган. Кори фаолиятидаги учинчи совринни қўлга киритди. Муваффақиятли иштирок унга 280 рейтинг очкоси ҳамда 43,000 АҚШ доллари миқдоридаги мукофот пулини келтирди. Машарова эса 180 балл ва 21,400 доллар ишлаб олди.