08 окт 07:46
Янгиликлар

Осиё ўйинлари

2030 йилги Осиё ўйинларига номзод шаҳарларнинг якуний рўйхати маълум

Осиё Олимпия кенгаши 2030 йилда XXI Осиё ўйинларини ўтказиш учун Доха (Қатар) ва Ар-Риёд (Саудия Арабистони) шаҳарларидан расмий талабномалар олди.

Ташкилотнинг баҳолаш бўйича қўмитаси октябрь ойининг учинчи ҳафтасида ҳар икки номзод шаҳарда бўлиб, уларнинг таклифларини ўрганади. Мезбон шаҳар эса Осиё олимпия кенгашининг 2020 йил 16 декабрда Маскат шаҳрида бўлиб ўтадиган 39-Бош ассамблеясида аниқланади.

Эслатиб ўтамиз, XIX Осиё ўйинлари 2022 йил 10-25 сентябрь кунлари Хитойнинг Ханчжоу, XX Осиё ўйинлари эса Япониянинг Айти-Нагоя шаҳарларида 2026 йилда бўлиб ўтади. Осиё Олимпия кенгаши, шунингдек, Ўзбекистон Миллий олимпия қўмитаси ҳар икки номзод шаҳарга муваффақият тилайди.