26 февраль кунги проф бокс оқшомининг барча жуфтликлари маълум

Buka Boxing томонидан ташкил этилаётган проф бокс оқшомининг марказий жангида тажрибали чарм қўлқоп устамиз Улуғбек Ҳақбердиев грузиялик Нодари Робакидзе (14-14-3, 5 КО)га қарши рингга кўтарилади.

Co-main event жанги эса биринчи яримўрта вазн тоифасида ҳамюртимиз Сардор Музаффаров (4-6, 2 КО) ҳамда қозоғистонлик 29 ёшли Виктор Коточигов (13-2, 5 КО) ўртасида бўлиб ўтади. 

Маълумот учун, Коточигов ўтган йилнинг 18 декабрь куни БААнинг Дубай шаҳрида танзаниялик Айзек Муши (6-3-1, 4 КО) устидан ғалабага эришганди. Сардор Музафаров эса 11 декабрь куни Екатеринбургда Россия шарафини ҳимоя қилиб келаётган асли грузиялик боксчи Игорь Адлейбе (14-0-2, 6 КО)га имкониятни бой берганди. 

"BUKA BOXING EVENT" туркум турнирларини очиб берувчи ушбу бокс оқшомида шунингдек, Шукуржон Раҳимов, Аббосхон Йўлдошев сингари кўзга кўринган боксчиларимиз ўз жангларини ўтказишади. Аббосхон яна бир ҳамюртимиз Довруғбек Ибрагимовга қарши рингга чиқади. Профессионал бокс оқшоми 26 февраль куни соат 17:00да Buka gym залида бошланади. 

Проф бокс оқшомининг тўлиқ карди:

1. 66.6 кг: Ҳаётжон Машрапов - Алишер Наврўзов

2. 58.9 кг: Дилшод Бўриҳулов - Муҳаммаднуриддин Кимсанбоев 

3. 53.5 кг: Бакитбек Садирбек уулу (Қирғизистон) - Шаҳбоз Толибжонов

4. 69.8 кг: Шерзоджон Ҳабибов - Жўрабек Абдуллаев 

5. 63.5 кг: Жаҳонгир Давидов - Фарҳодбек Арабжонов 

6. 66.6 кг: Рўзимуҳаммад Акрамов - Адҳамжон Икрамов 

7. 66.6 кг: Аббосхон Йўлдошев - Довруғбек Ибрагимов

8. 61.2 кг: Шукуржон Раҳимов - Торнике Сурмава (Грузия) 

9. 63.5 кг: Виктор Коточигов (Қозоғистон) - Сардор Музаффаров 

10. 72.5 кг: Улуғбек Ҳақбердиев - Нодари Робакидзе (Грузия)