28 та эйс зарбаси ҳам Гуркачга ёрдам бера олмади

Дунёнинг 11-ракеткаси бўлиб турган польшалик Хуберт Гуркач Erste Bank Open турнирининг 1/4 финал учрашувида рейтингнинг 27-поғонасидан жой олган хорватиялик Борна Чоричга имкониятни бой бериб қўйди - 4/6, 7/6(2), 6/7(5).

Олти дақиқаси кам уч соат давом этган драматик учрашувда Гуркач 28 та эйс зарбасини амалга оширган. Лекин ярим финалга 7 та эйс зарбаси, 1 та қўшхато, 1 та брейк қайд этган Чорич йўл олди. Борна фаолиятида 23-маротаба ҳал қилувчи тай-брейкда зафар қучди.