30 ёшли Жервонта Дэвис фаолиятини якунламоқчи

"Ишончли манбалардан олинган маълумотларга кўра, Балтиморнинг энг яхши боксчиларидан бири фаолиятини якунламоқчи. Жервонта Дэвис бошқа жанг ўтказмайди. У бу ҳақда яқинларига маълум қилган. Айтишларича, у шунчаки боксдан чарчаган ва кетишга қарор қилган. Ҳеч бўлмаганда пул тугагунча", - деб ёзди ижтимоий тармоқда матчмейкер Рик Глейзер.

16 август куни 30 ёшли Дэвис Ламонт Роучга қарши иккинчи жангини ўтказиши керак эди. Уларнинг биринчи тўқнашуви дуранг натижа билан якунига етганди. Яқинда Жервонта оилавий зўравонликда айбланиб ҳибсга олинган ва кейинроқ гаров эвазига озодликка чиқарилганди.

Маълумот учун, Дэвис профессионал рингда ўтказган 30 та жангининг барчасида ғалаба қозонган. Фақат икки жанг тўлиқ давом этган, қолган 28 тасида рақибларини муддатидан аввал мағлубиятга учратган. Муроса ва мағлубият нималигини билмай келмоқда.