35 ёшли теннисчи Цинциннатида бош соврин соҳибаси бўлди

Ҳал қилувчи финал учрашувида франциялик 35 ёшли Каролин Гарсия WTA рейтингида 28-поғонадан жой олган чехиялик Петра Квитовани 6/2, 6/4 ҳисобида мағлуб этиб, бош соврин соҳибасига айланди. 

Тўқсон олти дақиқа давом этган баҳсда Гарсия 11, Квитова эса 2 та эйс зарбасини амалга оширган. Иккала теннисчи ҳам 4 тадан қўшхатога йўл қўйишди. Каролин кечаги ғалабаси эвазига ўзаро учрашувлардаги ҳисобни минимал даражага қисқартирди - 4:5. 

Эътиборга молик жиҳати шундаки, Каролин саралаш баҳсларидан муваффақиятли ўтиб, якунда мусобақа чемпиони бўлган илк теннисчига айланди. Western & Southern Open турниридаги муваффақиятли иштирок Гарсияга 900 рейтинг очкоси ҳамда 412,000 доллар мукофот пули келтирган.