Бир жанг тарихи: Кличко - Чагаев. “Оқ Тайсон” фаолиятидаги илк мағлубият ҳақида (ФОТО+ВИДЕО)

Жанг санаси: 2009.06.20

Жанг манзили: “Велтинс Арена” Гельзенкирхен, Германия

Жанг ҳаками: Эдди Коттон

Жангга қадар боксчиларнинг натижаси:

Руслан Чагаев 26 та жанг, 25 та ғалаба, битта бекор қилинган учрашув

Владимир Кличко 56 та жанг, 53 та ғалаба, 3 та мағлубият

Жангнинг бошида Руслан Владимирга қаттиқ босим ўтказишга ҳаракат қилиб кўрди, аммо Владимирнинг чап қўл жеблари сабабли, ҳамюртимизнинг ҳаракатлари омадсиз якунланди. Иккичи раунд ҳам биринчиси каби давом этаётганди, аммо кутилмаганда Чагаев рақибининг тўғридан йўллаган зарбасини ўтказиб юборди ва нокдаун ҳолатига тушиб қолди. 

Учинчи раундда Чагаев бой берилган икки раунд учун ҳаракат қила бошлади, лекин Кличконинг тўғридан йўллаётган зарбалари барча Чагаевнинг режаларини барбод қилишда давом этди. Кейинги учта раунд ҳам шу темпда давом этди, украиналикнинг жеплари унга керакли очколарни тақдим этишда давом этди.

Еттинчи раундга келиб, боксчимиз устунликни қўла олишга уриниб кўрди, аммо яна битта кучли зарба ўтказиб юборди, бунинг натижасида унинг чап кўзидан қон оқишни бошлади. Саккизинчи ва тўққизинчи раундларда Чагаевнинг жароҳати борган сари катталашишда давом этди. 

9 ва 10 раунд оралиғидаги танаффус вақтида Чагаевнинг бурчаги жангни давом эттирмасликка қарор қилди. Шу тариқа, Кличко навбатдаги ғалабасини қўлга киритди. Чагаев эса фаолиятидаги илк мағлубиятни қабул қилиб олди. 

ЖАНГ ВИДЕОСИ

(TAS-IX эмас)

Ниғмонхўжа Нозимов тайёрлади