03 мар 20:41
Янгиликлар

Гимнастика

47 ёшли Оксана Чусовитина Жаҳон Кубоги бронза медалига эга чиқди

Доха шаҳрида спорт гимнастикаси бўйича Жаҳон кубогининг иккинчи босқичи давом этмоқда.

Бугун мусобақанинг иккинчи кунида финал баҳслари бўлиб ўтди.

Эътиборлиси, унда 47 ёшли ҳамюртимиз Оксана Чусовитина "таяниб сакраш" дастури бўйича икки бор чиқиш қилди ва 12.916 баллни қўлга киритди. Афсонавий спортчимиз ушбу натижа орқали Жаҳон Кубогининг бронза медалини қўлга киритди.

Ҳамюртимиз кеча "таяниб сакраш" дастурининг саралаш баҳсларида 12.899 баллни қўлга киритиб, финалга йўл олган эди.