22 мар 09:28
Янгиликлар

Бокс/ММА

"6 май куни тайёр бўламиз!": Алжамейн Стерлинг ҳозирги спорт формасини кўрсатди + ФОТО

Америкалик UFC чемпиони Алжамейн Стерлинг ўзининг ижтимоий тармоқлардаги саҳифасига машғулотдан сўнг Жей-Пи Байс ва Амир Альбази билан бирга тушган суратини жойлади.

"Биз бу вазифага диққатимизни қаратганмиз. Ҳозир ҳаракатдамиз, дамни кейинроқ оламиз. Бу болалар мендаги бензин қанчага етишини ва ҳимоям қандайлигини текширмоқда. 6 май куни тайёр бўламиз!", - дея ёзган Стерлинг сурат остидаги изоҳда.

Эслатиб ўтамиз, Алжамейн Стерлинг айни пайтда ҳамюрти, собиқ учталик чемпион Генри Сехудога қарши чемпионлик жангига тайёргарлик кўрмоқда. Ушбу жанг 6 май куни бўлиб ўтади.