29 апр 13:01
Янгиликлар

Бокс/ММА

UFC рейтинги янгиланди: Стерлинг Родригесни ортда қолдирди, Эдвардс Топ-3`да!

Лас-Вегасда бўлиб ўтган UFC Fight Night 274 турнири натижаларидан келиб чиқиб ташкилот рейтинги янгиланди.

Ушбу турнирда ҳакамларнинг якдил қарори билан Юссеф Залални ишончли тарзда мағлуб этган Алжамайн Стерлинг ташкилотнинг ярим енгил вазн тоифаси рейтингида Яир Родригесни ушбу ўриндан тушириб, тўртинчи ўринга кўтарилди.

Монтел Жексонни ҳакамларнинг айри қарори билан мағлуб этган Раони Барселос энг енгил вазн тоифаси UFC рейтингига кириб, унда ўн тўртинчи ўринни эгаллади. Унинг рақиби эса дивизионнинг энг яхши Топ-15 жангчилари рўйхатини тарк этди.

Тадбирнинг иккинчи муҳим жангида бироз кутилмаганда Норма Дюмонтни мағлуб этган Жоселин Эдвардс аёллар ўртасидаги енгил вазн тоифасида бирданига саккиз поғонага кўтарилиб, кучли учликка кириб олди. Унинг рақиби эса тўртинчи ўринга тушиб кетди.