"Uzbek Tigers" - "Cuba Domadores". Барча жанглар якунланди

22:16. Энди жавоб баҳслари 19 апрель куни Кубада бўлиб ўтади.

22:15. Шу тариқа, бугунги жанглардан олиб борилган матнли трансляциямизни якунлаймиз. Тўқнашувда боксчиларимиз 3:2 ҳисобида ғалаба қозондилар.

22:13. Ҳакамларнинг қарори эълон қилинди: Савон 3:0 ҳисобида Санжар Турсуновни мағлубиятга учратди.

22:10. Вакилимиз жангни ютқазмоқда...

22:01. Ташаббус Савон томонда. 

21:56. Афсуски, боксчимиз биринчи раундда 9:10 ҳисобида ютқазди...

21:51. Санжар Турсуновнинг жангини кузатамиз. Унинг рақиби Рио Олимпиадаси бронза медали соҳиби Эрисланди Савон бўлади.

21:49. Ва албатта Исроилдан кутилган сальто!

21:48. ҒАЛАБА!!! Исроил Мадримов Олимпиада чемпионини мағлубиятга учратди!

21:43. Кубалик боксчи жуда чарчади ва клинч орқали вақтни ўлдиришга уринмоқда. Ғалаба нақд Исроилда!

21:38. Боксчимиз жангда яхшигина устунликка эришмоқда. Шу темпни ушлаб қолиш керак.

21:34. Иккинчи раундда ҳам Мадримов ғолиб! 

21:29. Биринчи раунд якунларига кўра ҳакамлар бир овоздан 10:9 ҳисобида Исроилнинг ғалабасини қайд этдилар. Яхши!

21:25. Исроил Мадримовнинг жанги бошланди!

21:19. Тўқнашувдаги илк мағлубиятни қабул қилиб олдик - 2:1. Мадримов истаса ҳам, истамаса ҳам Олимпиада чемпиони бўлган рақибини мағлуб этиши керак!

21:15. Боксчимиз сезиларли фарқ билан мағлуб бўлмоқда. Унга ушбу жангда фақат ва фақат нокаут ёрдам бера олади!

21:11. Учинчи раунд тугади. Ташаббус кубалик боксчи томонда...

21:05. Афсуски, Холдоров биринчи раундни бой бериб қўйди. Ҳаракатни кучайтириш керак...

21:01. Боксчимиз жангни фаол ўтказмоқда.

21:00. Энди Иқболжон Холдоров рингга чиқди.

20:57. Вакилларимиз 2:0 ҳисобида олдинга чиқиб олдилар.

20:55. ҒАЛАБА! Муроджон 2:1 ҳисобида ғалаба қозонди!

20:45. Учинчи раунд якунланди. Ҳозирча Аҳмадалиев ғалаба қозонмоқда. У кетма-кет зарбалар серияси билан рақибини мувозанатдан чиқаришга ҳаракат қилмоқда.

20:38. Биринчи раунд вакилимиз фойдасига ҳал бўлди!

20:34. Жанг бошланди!

20:33. Муроджонга бугун 20 ёшли Хавьер Ибаньес рақиблик қилади.

20:31. Энди рингга Муроджон Аҳмадалиев чиқиб келмоқда.

20:29. Дўсматов ғалаба қозонди! Тўқнашувда жамоамиз олдинга чиқиб олдилар 1:0!

20:22. Ҳасанбой уч раунд якунларига кўра олдинда бормоқда.

20:12. Дўсматов жангни яхши ўтказмоқда.

20:04. Рингга Ҳасанбой Дўсматов чиқиб келмоқда.

20:00. Бугун қуйидаги тўқнашувлар гувоҳига айланамиз:

49 кг: Ҳасанбой Дўсматов - Жоханус Аргилагос

56 кг: Муроджон Аҳмадалиев - Хавер Ибаньес

64 кг: Иқболжон Холдоров - Энди Круз

75 кг: Исроил Мадримов - Арлен Лопес

91 кг: Санжар Турсунов - Эрисланди Савон

19:55. Ассалому алайкум ҳурматли бокс ишқибозлари. "Ўзбек йўлбарслари"нинг навбатдаги жангидан матнли трансляцияни бошлаймиз.