17 апр 10:14
Янгиликлар

Бокс/ММА

UFC расман Волков иштирокидаги жангни тасдиқлади + ПОСТЕР

Россиялик UFC жангчиси Александр Волковнинг 5 июнь куни октагонга чиқиши ҳақида хабар берган эдик.

UFC матбуот хизмати ушбу жанг расман тасдиқланганини эълон қилди. Волков 5 июнь куни Жаирзиньо Розенстрайкка қарши октагонга чиқади. Ушбу тўқнашув ўша кунги UFC турнирининг марказий жанги бўлади.

Волков сўнгги жангини 19 март куни Лондонда UFC Fight Night 204 турнири доирасида британиялик Том Аспиналлга қарши ўтказиб, кутилмаганда биринчи раунднинг ўзида мағлубият аламини тотиб кўрган эди. Россиялик ҳисобида 34 ғалаба ва 10 мағлубият бор.

Розенстрайк эса сўнгги жангини 2021 йилнинг сентябрь ойида Кёртис Блэйдсга қарши ўтказганди. UFC 266 турнири доирасидаги ўша жангда Кёртис очколар ҳисобига кўра ғалаба қозонганди. Унинг ҳисобида 12 ғалаба ва 3 мағлубият бор.