Чендлер кейинги жангини кимга қарши ўтказмоқчилигини айтди, бу Конор эмас!

"Айни пайтда Топ-5`таликда фақат Порье ва менгина жанг қилмадик холос. Сир эмаски, ҳаммаси Дастин ва менинг октагонда учрашишимизга олиб бормоқда. Бенил Дариушнинг жанги ойдинлашиб бўлди. Ислам Чарльз билан жанг қиляпти, Гэтжи эса операция бўлган.

Ҳамма Конор Макгрегорга "вызов" ташлаяпти, мен ҳам шундай қилдим, аммо ҳурмат билан. ММА туфайли. UFC Конор Макгрегор билан янада яхшироқ бўлади. Лекин бизга соғлом Конор керак, шунинг учун уни қайтишга шошилтирмаслик керак", - дея Чендлернинг сўзларини келтиради MMA Fighting нашри.

Эслатиб ўтамиз, Майкл Чендлер сўнгги бор 8 май куни Тони Фергюсонга қарши жанг қилган эди. Дастин Порье эса сўнгги жангини 2021 йил 12 декабрида Чарльз Оливейрага қарши ўтказган эди.

Дарвоқе, Чендлер ва Порьенинг UFC 276 турнири давомида даҳанаки жангга киришиб кетгани ҳақида хабар берган эдик. Ким билсин, балки уларда ўша пайтда жанг қилиш учун кучли истак пайдо бўлгандир.