"Ҳумо"нинг мавсумдаги илк расмий ўйини якунига етди

Қозоғистон кубоги доирасидаги ушбу учрашувнинг тўлиқ вақти 2:2 ҳисобида якунланди. Шунингдек, овертаймда ҳам ғолиб аниқланмади. Афсуски, пеналтилар сериясида омад мезбонларга кулиб боқди.

Маълумот учун, "Ҳумо" кубок доирасидаги навбатдаги учрашувини 26 август куни "Актобе"га қарши ўтказади. Учрашув Қозоғистонда бўлиб ўтади.

Мазкур саҳифа орқали "қалдирғочлар"нинг "Сариарка"га қарши баҳси тафсилотларидан хабардор бўлишингиз мумкин.

САҲИФАНИ ЯНГИЛАШ

Смирягинннн. Биргина шайба керак "Ҳумо"га. Йўқ, афсус ғалабани қўлдан бой бердик.

"Ҳумо"дан яна бир омадсиз пенальти. "Сариарка"да ҳам.

Йўқ, иккала жамоа ҳам тўртинчи имконларидан фойдалана олмади. 1:1.

Ҳамюртларимиз учинчи уринишидан фойдалана олмади. Мезбонлар ҳам.

"Ҳумо" иккинчи уринишдан фойдаланди. "Сариарка" эса йўқ. Смирягинннннн. 1:1.

Пеналтилар серияси қозоқлар олдинда 1:0.

Овертайм ўз якунига етди.

"Сариарка"да четлатиш. "Ҳумо" бундан фойдаланиб қолиши керак. 2 дақиқа бор.

Овертаймнинг илк дақиқасидаёқ мезбонлар вакилида яхши имконият юзага келган эди. Аммо фойдалана олмади.

Учинчи бўлим ҳам якунига етди. Навбат Овертаймга.

ШАЙБАААА. 18-дақиқада 45-рақамдаги Антон Реҳтин ҳисобни тенглаштирмоқдаааа. 2:2.

Учинчи бўлим нисбатан сокин ўтмоқда. 12-дақиқа.

Иккала жамоадан ҳам бир нафар хоккейчи четлатилди. Нисбатан кичик устунлик вакилларимизда.

Энди эса "Сариарка"да четлатиш.

Демак, учинчи бўлим старт олди. Ва бўлим бошидаёқ "Ҳумо"да четлатиш.

Иккинчи бўлим якунланди.

Иккинчи бўлимнинг 17-дақиқаси. ГОООООООЛ. 71 рақамдаги Максим Трунёв ҳисобни қисқартирмоқда. 2:1.

Муз саройига анчагина мухлис ташриф буюрганини таъкидлаш жоиз. Иккинчи бўлим якунигача 4 дақиқа қолди. Кичик устунлик қозоқларда.

Смирягиндан супер сейв.

Ана энди эса "Ҳумо" хоккейчиси Алексей Кириллов икки дақиқага четлатилди. Ўйинда иккинчи  бўлимнинг 13-дақиқаси давом этмоқда.

Смираягинга нисбатан фол ишлатилди. Мезбонлар икки дақиқани бир киши кам бўлиб ўтказишади.

Сал ўтмасдан "Ҳумо"да голли вазият юзага келди.

Иккинчи бўлимнинг 5-дақиқасида "Сариарка" хоккейчиси ҳисобни 2:0 кўринишига келтирди. Ўйинда мезбонлар яққол устунлик қилмоқда.

Евгений Попихин шогирдлари Қарағанданинг "Сариарка" клуби меҳмони бўлишяпти. Ҳозиргина биринчи бўлим ўз ниҳоясига етди. Антон Злобиннинг 15-дақиқада киритган шайбаси ҳозирча "Сариарка"га ғалаба келтирмоқда.

Маълумот учун, "Ҳумо""А" гуруҳидан жой олган бўлиб, квартетнинг иккинчи ўйини "Актобе" ва "Кулагер" жамоалари ўртасида бўлиб ўтади.