Хабиб Хамзат Чимаевга жиддий эътироз билдирди

Швециялик аралаш яккакураш устаси UFC 279 турнирининг расмий тарозидан ўтиш маросимида белгиланган вазн меъёрини бажара олмагани етмагандек, саҳнадан туриб мухлисларга турли номақбул ҳаракатларни қилган эди. 

"Агар сен мусулмон бўлсанг, атрофингга иймон ва диёнатли кишиларни жамлашинг керак. Зеро, айнан улар сени нима мумкин ва нима мумкин эмаслигини айтиб, тўғри йўлга бошлайди. Мен Хамзат Чимаевнинг расмий тарози маросимидаги чиқишини кўрдим. Афсуски, унинг жамоасида мусулмон кишиси йўқ. Бу эса жуда ёмон ва хунук ҳолат. Яратганни таниган инсон йўқлигидан шундай кўнгилсиз ҳолатлар юзага келади", - деди Нурмагомедов Бирмингемдаги мухлислар билан учрашув чоғида. 

Эслатиб ўтамиз, Хамзат Чимаев вазн қила олмагани учун Нейт Диасга қарши кечиши белгиланган жангдан маҳрум бўлган эди.