IBA украиналик боксчиларга мусобақаларда ўз байроқлари остида қатнашишга рухсат берди

Гарчи Украина бокс Федерацияси IBA аъзолигидан чиқарилган бўлишига қарамасдан, украиналик боксчилар мусобақаларда ўз байроқлари остида иштирок эта бошлашади.

"IBA спортчилар қандай вазиятда бўлишларига қарамасдан, ўз мамлакатларини ғурур билан намоён этишлари кераклигига қатъий равишда ишонади", - дейилади ташкилот баёнотида.

Аввалроқ, IBA Украина бокс Федерациясининг аъзолигини тўхтатгани ҳақида хабар берган эдик.

Шунингдек, ташкилот Россия ва Беларусь боксчиларига ҳам мусобақаларда қатнашишга рухсат берган.