Конор Макгрегор Лобовга илтимос билан мурожаат қилди

Конор бу сафар келиб чиқиши россиялик бўлган Лобовга юзланиб, судлашишни бекор қилишини ва уни ўз ҳолига қўйишини илтимос қилиб мурожаат йўллаган. 

"Аслида бу ҳақда қанча кўп ўйлаганим сайин шунча кўп аҳмоқона иш эканлигини тушуниб етяпман. Энг ёмони бўлмағур нарсага қимматли вақтимни сарфлаяпман. Артём, мени ўз ҳолимга қўй! Сен майда сосискасан! Мақсадингга эришдинг, сен энди ҳамма хабарларда "сосиска калла" сифатида машҳурсан", - дея ўзининг ижтмоий тармоқдаги саҳифасида хабар қолдирган Конор. 

Эслатиб ўтамиз, бир ой олдин Артём Лобов Конор Макгрегорни судга берганди. Лобовнинг даъвосига кўра айнан у Proper No. 12 виски брендининг муаллифи экан. У суддан савдодан тушган 600 миллион доллардан 5 фоиз улуш ундириб беришни талаб қиляпти.