Муроджон Аҳмадалиевнинг Марлон Тапалесга қарши ҳимоя жанги бўйича келушивга эришилди

Бугун, 3 январь куни IBF'нинг Нью-Жерсидаги штаб-квартирасида иккинчи энг енгил вазн тоифаси (- 55 кг)да IBF ва WBA камарлари соҳиби, ўзбекистонлик боксчи Муроджон Аҳмадалиев (11-0) ҳамда филиппинлик Марлон Тапалес (36-3) иштирокидаги чемпионлик жанги учун промоутерлик савдоси ўтказилиши лозим эди, бироқ ҳар икки томон бу борада ўзаро келишувга эришгач, аукцион бекор қилинган.

BoxingScene.com нашрининг маълум қилишича, иккала томон ҳам моддий томонлама ўзаро келишувга эришган. Жанг санаси ва манзили ҳозирча маълум эмас. Аҳмадалиевнинг умумий ҳисобда тўртинчи ҳимоя жанги 2023 йилнинг илк чораги ҳамда апрель ойининг сўнгида бўлиб ўтиши тахмин қилинмоқда.

Боксчилар ўртасидаги жангни ташкил этиш учун промоутерлик савдоси аслида 20 декабрь куни ўтказилиши керак эди, бироқ IBF ҳар икки томон илтимосига биноан уни 3 январь санасига қолдирган эди.

Эслатиб ўтамиз, Аҳмадалиев 2022 йил июнь ойида америкалик Ронни Риос (33-3)ни мағлубиятга учратиб, ўзига тегишли WBA ва IBF камарларини учинчи бор муваффақиятли ҳимоя қилганди. Тапалес эса оҳирги жангини ўтган йилнинг май ойида мексикалик Хосе Эстрелла (23-19-1)га қарши ўтказиб, муддатидан аввал ғалаба қозонган эди.