Абдел-Азиз: "Анкалаев UFC 320 турнирида жанг қилмаслиги керак эди"

"Алекс Перейра реваншда ғалаба қозонди. Уни ва жамоасини табриклайман. Унинг мураббийлари ва менежерларини биламан ва уларга доимо ҳурмат билан муносабатда бўлганман. Алекснинг ўзи билан шахсан таниш эмасман.

Ўша куни Алекс яхшироқ жангчи бўлди. Биз мағлубиятни эркакларча қабул қиламиз… Аммо мен ҳар доим Магомед Анкалаев уни енгишига ишонганман. У бунга аввал ҳам эришган. Ва агар улар яна жанг қилишса, мен ишонаман — Магомед ғалаба қозонади.

Тайёргарлик давомида Анкалаев билан жуда кўп нарса содир бўлди. Агар ҳаммаси менга боғлиқ бўлганида, мен унга бу сафар жанг қилмасликни тавсия қилган бўлардим. Аммо у эркак, қарорни ўзи қабул қилади ва шундай яшайди. Ҳозир айта оладиганим шу", — деб ёзди Абдель-Азиз ижтимоий тармоқларда.